ការប្រយុទ្ធប្រឆាំងនឹងមាតិកាមិនមែនស្នាដៃផ្ទាល់ខ្លួន ដើម្បីការពារ និងលើកកម្ពស់អ្នកបង្កើត

ថ្មីៗនេះ យើងបានចាប់ផ្ដើមគំនិតផ្ដួចផ្ដើមរយៈពេលវែងដើម្បីធ្វើឱ្យលំហូរព័ត៌មានកាន់តែពាក់ព័ន្ធ និងជួយអ្នកបង្កើតពិតប្រាកដដោះស្រាយបញ្ហា ដោយចាប់ផ្ដើមដំបូងដោយបង្រ្កាបទៅលើមាតិកាឥតបានការ។ យើងកំពុងតែវិវឌ្ឍន៍ទៅមុខ - ក្នុងឆមាសទីមួយនៃឆ្នាំ 2025 យើងបានចាត់វិធានការលើគណនីប្រហែល 500,000 ដែលជាប់ពាក់ព័ន្ធក្នុងឥរិយាបថប្រើសារឥតបានការ ឬការចូលរួមក្លែងក្លាយ ដោយអនុវត្តវិធានការចាប់ពីការបន្ទាបមតិរបស់ពួកគេ និងកាត់បន្ថយការចែកចាយមាតិការបស់ពួកគេ ដើម្បីទប់ស្កាត់គណនីទាំងនេះពីការរកប្រាក់។ យើង​ក៏​បាន​ដក​ចេញនូវកម្រង​ព័ត៌មាន​ប្រហែល 10 លាន​ដែល​ក្លែង​បន្លំ​ជា​អ្នក​ផលិត​មាតិកា​ធំផងដែរ។

ប៉ុន្តែនៅមានកិច្ចច្រើនទៀតដែលត្រូវធ្វើ។ ត្លុក ឬវីដេអូដូចគ្នាផុសឡើងម្ដងហើយម្ដងទៀតញឹកញាប់ពេក ដែលពេលខ្លះចេញមកពីគណនីដែលបន្លំជាអ្នកបង្កើត និងពេលខ្លះទៀតពីគណនីឥតបានការផ្សេងៗគ្នា។ វាធ្វើឱ្យបទពិសោធប្រើប្រាស់សម្រាប់ទាំងអស់គ្នាចុះអន់ខ្សោយ និងធ្វើឱ្យយោបល់ថ្មីៗកាន់តែពិបាកក្នុងការយកឈ្នះ។

ដើម្បីកែលម្អលំហូរព័ត៌មានរបស់អ្នក យើងកំពុងដាក់ចេញវិធានការខ្លាំងជាងមុន ដើម្បីកាត់បន្ថយមាតិកាមិនមែនស្នាដៃផ្ទាល់ខ្លួននៅលើ Facebook ហើយទីបំផុតការពារ និងលើកកម្ពស់អ្នកបង្កើតដែលចែករំលែកមាតិកាដើម។

តើអ្វីទៅជាមាតិកាមិនមែនស្នាដៃផ្ទាល់ខ្លួន?

មាតិកាមិនមែនស្នាដៃផ្ទាល់ខ្លួន​ប្រើ​ឡើង​វិញ ឬ​ប្រើ​មាតិកាអ្នក​បង្កើត​ផ្សេង​ទៀត​ម្ដង​ហើយ​ម្ដង​ទៀតក្នុងគោលបំណងផ្សេង​ដោយ​មិន​បានផ្តល់ការ​ទទួលស្គាល់ស្នាដៃដើមដល់ពួក​គេ ដោយ​ទាញ​យក​ប្រយោជន៍​ពី​ភាពច្នៃ​ប្រឌិត និង​ការ​ខិតខំ​ប្រឹងប្រែង​របស់​ពួកគេ។

យើងពេញចិត្តនៅពេលដែលអ្នកបង្កើតចែករំលែកមាតិកាឡើងវិញ បញ្ចូលការអត្ថាធិប្បាយនៅក្នុងវីដេអូប្រតិកម្ម ឬចូលរួមជាមួយភាពពេញនិយមតាមរយៈការបញ្ចូលទស្សនៈប្លែកៗរបស់ពួកគេ។ អ្វី​ដែល​យើង​ចង់​ប្រយុទ្ធ​ប្រឆាំងនោះគឺ​ការ​បង្ហោះ​មាតិកា​ឡើងវិញ​ម្ដង​ហើយ​ម្ដង​ទៀត​ពី​អ្នក​បង្កើត​ផ្សេង​ទៀត​ដោយ​គ្មាន​ការ​អនុញ្ញាត​ ឬ​ការធ្វើឱ្យប្រសើរឡើងប្រកបដោយ​អត្ថន័យ។

ការ​បង្ក្រាបទៅ​លើ​គណនី​ដែល​ចែករំលែក​មាតិកា​មិន​មែនស្នាដៃផ្ទាល់ខ្លួន

ឥឡូវនេះ យើងកំពុងដាក់ចេញនូវវិធានការខ្លាំងជាងមុន ដើម្បីប្រយុទ្ធប្រឆាំងនឹងឥរិយាបថនេះនៅលើ Facebook។ គណនីដែលប្រើប្រាស់វីដេអូ រូបថត ឬសារបង្ហោះជាអក្សររបស់អ្នកដទៃដោយមិនត្រឹមត្រូវម្ដងហើយម្ដងទៀតនឹងមិនត្រឹមតែបាត់បង់សិទ្ធិចូលប្រើកម្មវិធីរកប្រាក់តាម Facebook ក្នុងរយៈពេលមួយនោះទេ ប៉ុន្តែក៏នឹងទទួលបានការចែកចាយថយចុះលើអ្វីគ្រប់យ៉ាងដែលពួកគេចែករំលែកផងដែរ។

លើសពីនេះទៀត ប្រសិនបើប្រព័ន្ធរបស់យើងរកឃើញវីដេអូស្ទួននៅលើ Facebook យើងនឹងកាត់បន្ថយការចែកចាយវីដេអូចម្លង ដើម្បីឱ្យអ្នកបង្កើតមាតិកាដើមអាចទទួលបានលទ្ធភាពមើលឃើញដែលពួកគេសមនឹងទទួលបាន។ យើងក៏កំពុងស្វែងរកវិធីក្នុងការផ្ដល់ជូនគុណលក្ខណៈត្រឹមត្រូវដល់អ្នកបង្កើតផងដែរ។ ឧទាហរណ៍ យើងកំពុងសាកល្បងបញ្ចូលតំណនៅលើវីដេអូស្ទួន ដែលចង្អុលអ្នកមើលទៅកាន់ស្នាដៃដើមនៃមាតិកា។

ការអនុវត្តល្អបំផុតដើម្បីបង្កើនសក្ដានុពលមាតិការបស់អ្នក

ដើម្បីធានាថាមាតិការបស់អ្នកត្រូវបានរៀបចំ ដើម្បីទទួលបានជោគជ័យនៅលើ Facebook សូមអនុវត្តតាមការអនុវត្តល្អបំផុតទាំងនេះ៖

យើងនឹងដាក់ឱ្យដំណើរការការផ្លាស់ប្ដូរទាំងនេះជាបណ្ដើរៗក្នុងរយៈពេលប៉ុន្មានខែខាងមុខនេះ ដើម្បីជួយធានាឱ្យមានដំណើរផ្លាស់ប្ដូរយ៉ាងរលូនសម្រាប់អ្នកបង្កើត។

យល់ដឹងពីបញ្ហាដែលប៉ះពាល់ដល់ការចែកចាយរបស់អ្នក

ប្រសិនបើអ្នកមានបញ្ហាក្នុងការយល់ដឹងពីមូលហេតុដែលមាតិការបស់អ្នកមិនត្រូវបានចែកចាយនៅលើ Facebook សូមពិនិត្យមើលព័ត៌មានស៊ីជម្រៅកម្រិតសារបង្ហោះដែលយើងទើបនឹងចាប់ផ្ដើមរនៅក្នុងផ្ទាំងគ្រប់គ្រងអាជីព ដែលអាចជួយអ្នកឱ្យយល់ដឹងកាន់តែច្បាស់ថាហេតុអ្វីបានជាមាតិការបស់អ្នកប្រហែលជាមិនត្រូវបានចែកចាយ។

ឥឡូវនេះ អ្នកក៏អាចមើលថាតើអ្នកប្រឈមនឹងហានិភ័យនៃការណែនាំអំពីមាតិកា ឬការពិន័យលើការរកប្រាក់នៅក្នុងអេក្រង់ដើមនៃផ្នែកជំនួយបានផងដែរ ដែលទាំងនេះអាចចូលប្រើបានពីម៉ឺនុយមេរបស់ទំព័រ ឬកម្រង​ព័ត៌មាន​អាជីពរបស់អ្នក។ ពិនិត្យស្ថានភាពរបស់អ្នកឱ្យបានទៀងទាត់ ដើម្បីប្រាកដថាអ្នកអាចបន្តរកប្រាក់ចំណូល និងរីកចម្រើន។

ការប្ដេជ្ញាចិត្តបន្តបន្ទាប់របស់យើងក្នុងការលើកកម្ពស់អ្នកបង្កើតពិតប្រាកដ

Facebook ត្រូវបានបង្កើតឡើងដើម្បីក្លាយជាកន្លែងមួយដែលមាតិកាដើមរីកចម្រើន ហើយអ្នកបង្កើតទទួលបានការតបស្នងសម្រាប់ការខិតខំប្រឹងប្រែង និងភាពច្នៃប្រឌិតរបស់ពួកគេ។ សូមរង់ចាំតាមដានព័ត៌មានថ្មីៗបន្ថែមទៀតអំពីការខិតខំប្រឹងប្រែងរបស់យើងក្នុងការគាំទ្រអ្នកបង្កើតដូចជារូបអ្នក។